martes, 29 de novembro de 2016

Trivial sobre hábitos saudables. LIM

https://www.edu.xunta.es/espazoAbalar/sites/espazoAbalar/files/datos/1391595367/contido/habitos/habitos.html


Trivial para 2 xogadores con preguntas relacionadas con hábitos saudables. Preme na imaxe.

Alimentación saudable


Ola chic@s! Dentro da unidade didáctica de saúde corporal que estamos levando a cabo en 3º curso de Primaria, sabedes que un dos contidos a traballar é a alimentación. Quédavos aquí este programa supercompleto para que entendades mellor a importancia que ten para o noso organismo o seguir unha alimentación equilibrada e variada.
Empezade polo apartado ¿Cómo te alimentas? Sorprenderavos o que ides descubrir.

Xogo de hábitos saudables

http://www.activilandia.aecosan.msssi.gob.es/juegos/maquina-latir/index.html

Hixiene e saúde en nenos/as de Primaria

luns, 26 de setembro de 2016

Fútbol sala para cegos (regulamento)

Ao longo desta semana e da seguinte practicaremos algunhas modalidades deportivas dos Xogos Paralímpicos.
Neste vídeo quédavos o regulamento do fútbol sala para cegos. É importante que o miredes para ter unha pequena idea do que imos practicar no ximnasio.


E no segundo vídeo comprobaredes como futbolistas como Messi ou Busquets se poñen a practicar fútbol para cegos e se dan conta da dificultade que iso supón.

Voleibol sentado. Xogos Paralímpicos

domingo, 25 de setembro de 2016

Vídeo promocional dos Xogos Paralímpicos 2016

Xogos Olímpicos e Paralímpicos

Ao longo destas primeiras sesións do curso estamos a incidir na importancia dos valores do deporte, e como este pode ser practicado por calquera ser humano, independentemente de si ten ou non unha discapacidade.
Quedan aquí estes tres vídeos para que os valoredes e vos den que pensar. No primeiro vídeo aparecen diferentes deportistas que foron campeóns olímpicos e rexistraron récords e marcas que todavía están por superar; e no segundo e terceiro vídeo aparecen deportistas paralímpicos con diferentes tipos de discapacidades.
Que deportistas teñen máis mérito? Como é posible facer deporte se non teño mobilidade nas pernas? Por que apenas se fala na televisión dos deportistas discapacitados se son capaces de realizar habilidades espectaculares e impreionantes? Estas e máis preguntas xurdirán unha vez vistos os vídeos.

domingo, 11 de setembro de 2016

O deporte para educar en valores




Para entender a importancia que lle damos aos valores en Educación Física, aquí queda este vídeo para que reflexionedes sobre el.

domingo, 8 de maio de 2016

Habilidades con bolas malabares


Pincha no enlace que aparece máis abaixo para aprender diferentes habilidades con bolas malabares. Lembra que o máis importante para acadar ditas habilidades é practicar, practicar e practicar. Non hai outro truco. E sede pacientes; as cousas non se conseguen á primeira. Hai que insistir moito e non caer no desánimo porque non saian esas habilidades inmediatamente. http://www.ensaimadamalabar.com/bolasempezar.htm

xoves, 28 de abril de 2016

Clases de béisbol



Os alumnos/as de 3º, 4º, 5º e 6º curso de Primaria puideron disfrutar ao longo de 4 sesións da práctica do béisbol. Dende aquí queremos agradecer ao Club de Béisbol e Sófbol de Cambre o seu ofrecemento, un ano máis, para que isto fose posible.

mércores, 10 de febreiro de 2016

Xogo de emocións-valores. EFTIC-PLATEGA-2016

http://www.activilandia.aecosan.msssi.gob.es/juegos/siete-picos/index.html
 
Xa que en Educación Física lle damos tanta importancia ás emocións e aos valores, aquí vos queda un xogo para que practiquedes. Mantede a calma e a paciencia en todo momento!!

domingo, 7 de febreiro de 2016

domingo, 31 de xaneiro de 2016

Precioso conto de xadrez

Agora que estamos cos torneos de xadrez, quédavos aquí un precioso conto sobre este deporte.

domingo, 17 de xaneiro de 2016

Danzas do mundo: Ku-tshi tshi (Alemania)



Ao longo deste segundo trimestre imos traballar co alumnado de 3º curso as danzas culturais de diferentes países. Iniciaremos esta unidade didáctica cunha danza propia de Alemania.
Estas danzas irémolas alternando con xogos típicos deses mesmos países.
A idea desta unidade didáctica é que vexades que en moitos países teñen os seus bailes propios (ao igual que en España temos por exemplo a muiñeira, a "jota" aragonesa, a "sardana" catalana...) e os seus xogos populares típicos.